Kveikur hefur gefið frá sér yfirlýsingu þar sem fullyrðingum Samherja, um að RÚV hafi nálgast fyrirtækið á fölskum forsendum, er hafnað. Eru öll samskipti fréttamanna við Samherja birt einnig því til staðfestingar:
Vegna fullyrðinga forstjóra Samherja hf. í fjölmiðlum um að RÚV hafi nálgast fyrirtækið á fölskum forsendum, hafnað fundarbeiðni og ekki sinnt hlutleysisskyldu sinni við vinnslu á fréttaskýringaþættinum Kveik í gærkvöldi telur RÚV ástæðu til að birta öll samskipti fréttamanna og fréttastjóra RÚV við Samherja síðustu vikur.
Svör bárust samstarfsfjölmiðlum Kveiks frá tveimur af hákörlunum svokölluðu. Engin efnisleg svör bárust frá Samherja né einstaka starfsmönnum fyrirtækisins.
Sacky Shanghala, dómsmálaráðherra Namibíu hafnar því að hafa þegið fjármuni frá Samherja, og vísar til þess að öll hans fjármál séu í umsjá James Hatuikulipi, frá því Sacky tók við embætti. Segir ekkert óeðlilegt við samskipti sín við Samherja. Öll hafi þau samrýmst embættisskyldum hans.
Tamson Hatukulipi segir ekkert óeðlilegt við hundruð milljóna ráðgjafagreiðslur til félaga á sínum vegum. Hann hafi aðstoðað Samherja í að komast í tengsl við kvótahafa í landinu, og það hafi ekkert með tengdaföður hans að gera.
Þann 15. október sendi Kveikur tölvupóst til Samherja þar sem óskað var eftir viðtali við forstjóra fyrirtækisins. Henni var fljótt hafnað en hún ítrekuð engu að síður.
Viðtalsbeiðni til Samherja 15. október 2019.
Ítrekuð viðtalsbeiðni til Samherja 25. október 2019.
Í kjölfarið áttu eftirfarandi bréfaskipti sér fram:
Bréf Samherja til RÚV 6. nóvember 2019.
Bréf RÚV til Samherja 7. nóvember 2019.
Bréf Samherja til RÚV 8. nóvember 2019.
Bréf RÚV til Samherja 9. nóvember 2019.
