fbpx
Mánudagur 17.janúar 2022
Eyjan

Mikill meirihluti sekta Seðlabankans felldur niður

Ritstjórn Eyjunnar
Föstudaginn 25. janúar 2019 11:30

Már Guðmundsson Mynd/Viðskiptaráð

Ekki missa af Helstu tíðindum dagsins í pósthólfið þitt

Lesa nánar

Frá stofnun gjaldeyriseftirlits Seðlabanka Íslands eftir hrun árið 2010 hefur það með stjórnvaldsákvörðunum og sáttum lagt á sektir er nema 205 milljónum króna. Hefur ríkissjóður þurft að endurgreiða 114 milljónir vegna niðurstaðna dómsmála, samkvæmt svari Katrínar Jakobsdóttur forsætisráðherra, við fyrirspurn Birgis Þórarinssonar, þingmanns Miðflokksins.

„Þegar bréf þetta er ritað hafa alls 557 rannsóknarmál verið skráð í skjalavistunarkerfi Seðlabankans. Seðlabankinn hefur kært 113 mál, með samtals 24 kærum, vegna meiri háttar brota gegn lögum og reglum um gjaldeyrismál,“

segir í svari Katrínar.

Alls hefur Seðlabankinn fellt niður eða hætt rannsókn á 315 málum, meðal annars vegna tilefnisleysis, en skemmst er að minnast Samherjamálsins, þar sem sekt vegna meintra brota var dregin til baka.

Alls 113 málum hefur lokið með kæru, sjö með stjórnvaldssektum og 31 máli lauk með sátt.

Alls nema stjórnvaldssektir 116 milljónum, og sektir vegna sátta nema 88 milljónum.

Kostnaður við rekstur Gjaldeyriseftirlits Seðlabankans var alls rúmlega 258 milljónir árið 2018, en kostnaðurinn var mestur árið 2017, alls 332 milljónir. Þá voru starfsmenn 24 talsins og hafa aldrei verið fleiri en eru nú 15.

Voru starfsmenn eftirlitsins þrír árið 2010.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Frosti Sigurjóns varar við bólusetningum barna

Frosti Sigurjóns varar við bólusetningum barna
Eyjan
Fyrir 3 dögum

Enn vinda mál Borisar partíljóns upp á sig – Partí kvöldið fyrir útför drottningarmannsins

Enn vinda mál Borisar partíljóns upp á sig – Partí kvöldið fyrir útför drottningarmannsins
Eyjan
Fyrir 4 dögum

Þau fá listamannalaun árið 2022 – 785 milljónir í boði fyrir 236 listamenn – Sjáðu nöfnin

Þau fá listamannalaun árið 2022 – 785 milljónir í boði fyrir 236 listamenn – Sjáðu nöfnin
Eyjan
Fyrir 4 dögum

Fordæma hatur og rasisma í garð Lenyu Rúnar – „Má ekki viðgangast átölulaust“

Fordæma hatur og rasisma í garð Lenyu Rúnar – „Má ekki viðgangast átölulaust“