fbpx
Mánudagur 03.ágúst 2020
Eyjan

Vilhjálmur Birgisson: „Annað eins rugl hef ég nú ekki heyrt lengi“

Ritstjórn Eyjunnar
Fimmtudaginn 26. september 2019 11:44

Vilhjálmur Birgisson

Ekki missa af Helstu tíðindum dagsins í pósthólfið þitt

Lesa nánar

„Annað eins rugl hef ég nú ekki heyrt lengi og nú á að reyna að kenna lífskjarasamningum um að hafa leitt til fleiri uppsagna en fall WOW air,“

segir Vilhjálmur Birgisson, formaður Verkalýðsfélags Akraness og varaforseti ASÍ, en líkt og Eyjan greindi frá í morgun hefur fleira fólki verið sagt upp störfum vegna nýrra kjarasamninga heldur en vegna falls WOW air, samkvæmt könnun Gallup fyrir Landsbankann með aðildarfélaga Samtaka ferðaþjónustunnar.

Besti samningur í áratugi

„Ég hef sagt það og segi það enn og aftur að mitt mat er að lífskjarasamningurinn er skynsamlegasti og besti kjarasamningur sem gerður hefur verið á íslenskum vinnumakaði í áratugi. Samningur sem laut að því að nota það svigrúm sem var til skiptanna til handa þeim sem voru á lökustu kjörunum ásamt ríflegum aðgerðapakka af hálfu stjórnvalda,“

segir Vilhjálmur og vill ekki heyra eitt illt orð um kjarasamningana:

„Hugsið ykkur að það var samið um að hverfa frá prósentuhækkunum og semja þess í stað um flata krónutöluhækkun sem nam 17.000 króna hækkun á mánuði. Ef sú hækkun hefur valdið einhverjum fyrirtækjum vanda þá voru það fyrirtæki sem vart hafa átt tilverurétt á íslenskum vinnumarkaði.

Lífskjarasamningurinn hefur skilað samfélaginu nú þegar gríðarlegum ávinningi þar sem tókst að brjótast útúr launabreytingarkerfi prósentuhækkana sem gera ekkert annað en að ala á misskiptingu, óréttlæti og auka ójöfnuð. Þessu til viðbótar hefur lífskjarasamningurinn leitt til þess að stýrivextir hafa lækkað um 1% frá undirritun samningsins sem klárlega skilar ekki bara heimilum þessa lands ávinningi heldur einnig skuldsettum fyrirtækjum í ferðaþjónustunni sem og öðrum fyrirtækjum.“

Vilhjálmur bendir á að lífskjarasamningurinn hafi viðhaldið verðstöðugleika og þrátt fyrir samninginn hafi verðbólga haldist lág einnig, eða um 3 prósent:

„Að lokum er rétt að benda á loforð ríkis-og sveitafélaga sem var til að styðja við samninginn um að hækka ekki gjaldskrár sínar um meira en 2,5% á næsta ári, ásamt því að lækka tekjuskatt um 21 milljarð á tveimur árum sem kemur tekjulægsta fólkinu hvað best og einnig að lækka tryggingargjaldið til að styðja við atvinnulífið.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 1 viku

Sigurður Ingi sér rautt yfir Sigmundi Davíð – Lilja sögð stefna á formannsstól

Sigurður Ingi sér rautt yfir Sigmundi Davíð – Lilja sögð stefna á formannsstól
Eyjan
Fyrir 1 viku

Sláandi frétt CBS um „vænissjúkan“ sendiherra á Íslandi – Vill byssu, brynvarðan bíl og stunguvesti

Sláandi frétt CBS um „vænissjúkan“ sendiherra á Íslandi – Vill byssu, brynvarðan bíl og stunguvesti
Eyjan
Fyrir 1 viku

Rio Tinto kvartar til Samkeppniseftirlitsins

Rio Tinto kvartar til Samkeppniseftirlitsins
Eyjan
Fyrir 1 viku

Gagnrýnir harðlega afskipti af Lífeyrissjóði verslunarmanna: „Grafið undan lífeyrissjóðum“

Gagnrýnir harðlega afskipti af Lífeyrissjóði verslunarmanna: „Grafið undan lífeyrissjóðum“
Eyjan
Fyrir 2 vikum

Ragnar Þór stendur við yfirlýsinguna um að Lífeyrissjóður verslunarmanna taki ekki þátt í hlutafjárútboði Icelandair

Ragnar Þór stendur við yfirlýsinguna um að Lífeyrissjóður verslunarmanna taki ekki þátt í hlutafjárútboði Icelandair
Eyjan
Fyrir 2 vikum

Gunnar Smári sendir stjórnendum Icelandair væna pillu – „Þetta getur því ekki endað nema illa“

Gunnar Smári sendir stjórnendum Icelandair væna pillu – „Þetta getur því ekki endað nema illa“