fbpx
Fimmtudagur 02.apríl 2020
Eyjan

Orkupakkaumræðan og ljóðmál herstöðvabaráttunnar

Egill Helgason
Þriðjudaginn 3. september 2019 18:46

Ekki missa af Helstu tíðindum dagsins í pósthólfið þitt

Lesa nánar

Það er dálítið merkilegt að taka eftir því að umræðan um þriðja orkupakkan hefur farið út í sálma sem maður man varla eftir síðan á tíma herstöðvabaráttunnar. Þá var líka mikið um landráðabrigsl, tal um svik við ættjörðina og þjóðina.

Og hellingur af skáldskap.

Bandaríski háðfuglinn Tom Lehrer samdi eitt sinn lag um borgarastríðið á Spáni. Þar sagði eitthvað á þá leið að Franco og sveitir hans hefðu unnið stríðið en lýðveldissinnar, sem töpuðu, hefðu unnið í laga- og ljóðakeppninni.

Svipað má segja um andstöðuna við veru hers í landi. Herinn fór ekki fyrr en Kaninn vildi það sjálfur. En það voru samin mörg ljóð og lög gegn her í landi. En engin ljóð með her.

Í orkupakkaumræðu síðustu daga skýtur þeim nokkrum upp úr djúpinu. Einn þingmaður Miðflokksins vitnaði í Sóleyjarkvæði Jóhannesar úr Kötlum. Það var á sínum tíma nánast eins og helgiljóð hjá herstöðvandstæðingum. Þetta eru línurnar sem þingmaðurinn notaði:

Hermdu mér Þjóðunn Þjóðansdóttir,
vísust af völum:
ætlarðu að lifa alla tíð
ambátt í feigðarsölum
á blóðkrónum einum
og betlidölum?

Nú sýnist manni tæplega að obbinn af þeim sem hafa harðast barist á móti orkupakkanum hafi verið andstæðingar hers og Nató, nei, það er jafnvel þvert á móti. Margir þeirra koma af hægri væng stjórnmálanna – þar var Jóhannes frá Kötlum ekki hafður í hávegum.

Í gær heyrði maður líka vitnað í annað ljóðbrot sem var oft gripið til í herstöðvabaráttunni. Það er eftir skáldkonuna Huldu, úr kvæðinu Hver á sér fegra föðurland?

…svo verði Íslands ástkær byggð
ei öðrum þjóðum háð
Svo aldrei framar Íslands byggð
sé öðrum þjóðum háð.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 21 klukkutímum

Brim greiðir út tæpa tvo milljarða í arð í apríl – Stjórnarmenn fá 300 þúsund á mánuði

Brim greiðir út tæpa tvo milljarða í arð í apríl – Stjórnarmenn fá 300 þúsund á mánuði
Eyjan
Fyrir 21 klukkutímum

Vilhjálmur segir ástandið verra en hrunið en þetta komi þó ekki til greina – „Hins vegar er ég tilbúinn að fara aðra leið“

Vilhjálmur segir ástandið verra en hrunið en þetta komi þó ekki til greina – „Hins vegar er ég tilbúinn að fara aðra leið“
Eyjan
Í gær

Tæplega 25.000 umsóknir vegna minnkaðs starfshlutfalls -„Sýnir að þessar aðgerðir sem við erum að grípa til eru að virka“

Tæplega 25.000 umsóknir vegna minnkaðs starfshlutfalls -„Sýnir að þessar aðgerðir sem við erum að grípa til eru að virka“
Eyjan
Í gær

Útflutningsverðmæti fiskeldis í febrúar það næsthæsta frá upphafi – Mikil óvissa með framhaldið

Útflutningsverðmæti fiskeldis í febrúar það næsthæsta frá upphafi – Mikil óvissa með framhaldið
Eyjan
Í gær

Icelandair sameinast Air Iceland Connect og Árni hættir – „Erum við að leita allra leiða til hagræðingar“

Icelandair sameinast Air Iceland Connect og Árni hættir – „Erum við að leita allra leiða til hagræðingar“
Eyjan
Í gær

Hrun blasir við kvikmyndaiðnaðinum á Íslandi – „Ein af fyrstu atvinnugreinum sem leggjast af í kreppu – Í einu orði sagt hræðilegt“

Hrun blasir við kvikmyndaiðnaðinum á Íslandi – „Ein af fyrstu atvinnugreinum sem leggjast af í kreppu – Í einu orði sagt hræðilegt“
Eyjan
Fyrir 2 dögum

Áætlað tap ferðaþjónustunnar 260 milljarðar

Áætlað tap ferðaþjónustunnar 260 milljarðar
Eyjan
Fyrir 2 dögum

Hörkusápan 13 13

Hörkusápan 13 13