Fimmtudagur 23.janúar 2020
Eyjan

Gunnar Smári ósáttur: Tveir menn eiga ekki að kosta borgarbúa 75 milljónir króna á ári

Ritstjórn Eyjunnar
Föstudaginn 16. ágúst 2019 10:00

Ekki missa af Helstu tíðindum dagsins í pósthólfið þitt

Lesa nánar

„Fólk í almannaþjónustu á að vera á svona sæmilegum yfirkennaralaunum, ekki launum eins og forstjórar í gróðafyrirtækjum,“ segir Gunnar Smári Egilsson, stofnandi Sósíalistaflokksins, á Facebook-síðu flokksins.

Fréttablaðið greindi frá því í gær að Pétur Krogh Ólafsson, aðstoðarmaður Dags B. Eggertssonar borgarstjóra, hefði verið með 19,3 milljónir króna í laun í fyrra. Þetta kom fram í svari skrifstofu borgarstjóra við fyrirspurn Kolbrúnar Baldursdóttur, borgarfulltrúa Flokks fólksins, á fundi borgarráðs í gær.

Gunnar Smári er ósáttur og segir Íslendinga sér á báti hvað varðar laun stjórnmálamanna.

„Hvaðan kemur eiginlega þessi vitleysa, að verðlauna eigi pólitíkusa með háum launum? Þetta þekkist eiginlega hvergi í okkar heimshluta. Bæjarstjórinn í Kópavogi er með miklu betri laun en borgarstjórinn í New York og það þarf að fara til Singapore til að finna forsætisráðherra á hærri launum en Katrín Jakobsdóttir. Hvaðan kemur þetta? Af hverju er þetta ekki stoppað?,“ spyr hann í athugasemd undir eigin færslu.

Gunnar Smári segist vera þeirrar skoðunar að almannaþjónusta eigi ekki að vera farvegur fyrir fólk sem vill lifa yfirstéttarlífi, eins og hann orðar það.

„Borgarstjórinn í Reykjavík á ekki að vera með tvær og hálf milljón króna á mánuði og aðstoðarmaður hans ekki með sextánhundruð þúsund. Samanlagt eiga þeir tveir ekki að kosta borgarbúa 75 m.kr. á ári með launatengdum gjöldum heldur svona um það bil 27,5 m.kr. Fólk sem sættir sig ekki við yfirkennaralaun á ekki að leggja pólitík fyrir sig heldur stofna ísbúð eða kajakaleigu í von um að græða ógeðslega.“

Karl Th. Birgisson, ritstjóri Herðubreiðar, er ósammála Gunnari Smára hvað þetta varðar.

„Hugsunin um að kjörnir fulltrúar hafi þokkaleg laun sprettur einkum af því að þá eru þeir (vonandi) síður líklegir til þess að þiggja sporzlur eða jafnvel mútur frá fyrirtækjum eða auðmönnum. Rétt eins og dómarar í rándýrum fótboltaleikjum þurfa að hafa góð laun,“ segir hann og bætir við:

„Þess vegna mætti snúa messunni þinni á haus: Hvers vegna er þetta fólk ekki á góðum launum, svo að þangað veljist ekki aðrir en auðmenn og taglhnýtingar þeirra?“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Vandi Landspítalans leystur? – „Til allrar lukku hins vegar hefur ný nefnd verið skipuð“

Vandi Landspítalans leystur? – „Til allrar lukku hins vegar hefur ný nefnd verið skipuð“
Eyjan
Í gær

Dagur svarar Eflingu: Hafnar boði um opinn samningafund í Iðnó

Dagur svarar Eflingu: Hafnar boði um opinn samningafund í Iðnó
Eyjan
Fyrir 2 dögum

Sjáðu hvað utanlandsferðir þingmanna og forseta Alþingis hafa kostað skattgreiðendur

Sjáðu hvað utanlandsferðir þingmanna og forseta Alþingis hafa kostað skattgreiðendur
Eyjan
Fyrir 2 dögum

Hæstaréttarlögmaður hjólar í vinstrimenn – „Hætt er við að skynseminni sé fórnað á kostnað tilfinninganna“

Hæstaréttarlögmaður hjólar í vinstrimenn – „Hætt er við að skynseminni sé fórnað á kostnað tilfinninganna“
Eyjan
Fyrir 3 dögum

Sólveig Anna brjáluð út í borgarstjóra: „Við erum á leið í verkfall – Látum ekki kúga okkur“

Sólveig Anna brjáluð út í borgarstjóra: „Við erum á leið í verkfall – Látum ekki kúga okkur“
Eyjan
Fyrir 3 dögum

Nefnir sjö niðurdrepandi punkta um ríkisstjórnina á „mest niðurdrepandi“ degi ársins

Nefnir sjö niðurdrepandi punkta um ríkisstjórnina á „mest niðurdrepandi“ degi ársins