fbpx
Miðvikudagur 23.október 2019  |
Eyjan

Birgitta glímir við kulnun og segir árásir Pírata á sig hafa valdið bakslagi í batanum

Ágúst Borgþór Sverrisson
Föstudaginn 9. ágúst 2019 11:25

Birgitta Jónsdóttir.

Ekki missa af Helstu tíðindum dagsins í pósthólfið þitt

Lesa nánar

Birgitta Jónsdóttir, helsti stofnandi Pírata og fyrrverandi kapteinn hreyfingarinnar, segist hafa farið útbrunnin af Alþingi en hún hafi undanfarið verið að rísa upp úr kulnuninni. Hún viðurkennir hins vegar að mikill átakafundur í flokknum fyrir skömmu, þegar gerð var tilllaga um að hún tæki sæti í trúnaðarráði flokksins og sú tillaga var síðan felld, hafi valdið henni bakslagi í batanum. Þetta kemur fram í viðtali Birgittu við Mannlíf. Á fundinum fór Helgi Hrafn Gunnarsson mjög hörðum orðum um Birgittu. Um þetta segir Birgitta í grein Mannlífs:

„Það var ákveðið áfall. Það hefði verið í lagi ef þetta hefði bara verið þessi fundur, en þetta virðist ekkert ætla að hætta. Ég hef verið að vanda mig rosalega mikið að fara ekki í manneskjurnar sem sögðu þetta, mér finnst bara asnalegt að vera í opinberum rifrildum við fyrrverandi samstarfsfólk. Auðvitað gæti ég sagt alls konar hluti en ég bara sé ekki tilganginn með því. Ef fólk á eitthvað ósagt við mig þá er síminn minn alltaf opinn og ég er mjög aðgengileg manneskja.“

Birgitta segir þó að þessi mótbyr sé smávægilegur miðað við ýmislegt sem hún hefur þurft að fara í gegnum á lífsleiðinni. Hún segir hins vegar að heiftin á umræddum fundi hafi komið sér á óvart. Eftir fundinn hefur Birgitta fundið fyrir miklum stuðning frá samstarfsfólki og óviðkomandi aðilum á meðan ýmsir innan flokksins hafa haldið áfram að gagnrýna hana harðlega. Hún segir:

„Það steyma til mín fallegar hugsanir og hlýjar kveðjur og ég finn að fólki er dálítið misboðið vegna þess að þetta virðist ekki ætla að taka neinn endi.“

Birgitta ræðir um ýmislegt persónulegt í viðtalinu, meðal annars skáldaferil sinn en þegar hún var ung hafði hún engan áhuga á stjórnmálum heldur vildi verða skáld. Hún hefur gefið út nokkrar bækur og ung að árum fékk hún fyrstu ljóðabókina sína gefna út hjá stóru forlagi. Hún segist hins vegar alltaf hafa verið öðruvísi og ekki fallið inn í hópinn, hvorki sem rithöfundur né stjórnmálamaður.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 20 klukkutímum

Succession – besta efnið í sjónvarpinu

Succession – besta efnið í sjónvarpinu
Eyjan
Fyrir 23 klukkutímum

Gylfi svarar Halldóri Benjamín: „Þægilegra fyrir fákeppnismógúla landsins að þessi bankaráðsformaður segði sem minnst“

Gylfi svarar Halldóri Benjamín: „Þægilegra fyrir fákeppnismógúla landsins að þessi bankaráðsformaður segði sem minnst“
Eyjan
Í gær

Halldór Benjamín hlessa á gagnrýni Gylfa – „Ekki sæmandi formanni bankaráðs Seðlabanka Íslands“

Halldór Benjamín hlessa á gagnrýni Gylfa – „Ekki sæmandi formanni bankaráðs Seðlabanka Íslands“
Eyjan
Í gær

Enn bólar ekkert á gögnum Seðlabankans – „Það vekur ugg“ – Kallað eftir endurskoðun þagnarskylduákvæðis

Enn bólar ekkert á gögnum Seðlabankans – „Það vekur ugg“ – Kallað eftir endurskoðun þagnarskylduákvæðis