Opinn fundur um hagkvæmt húsnæði, ungt fólk og fyrstu kaupendur verður haldinn í Ráðhúsi Reykjavíkur, föstudaginn 16. mars kl. 8:30
Nýjar lausnir og hugmyndir í húsnæðismálum eru mikilvægar til að hvetja til nýsköpunar og framþróunar í uppbyggingu íbúða. Í vetur auglýsti Reykjavíkurborg eftir hugmyndum til þess að auka framboð af hagkvæmu húsnæði fyrir ungt fólk og fyrstu kaupendur. Tæplega 70 hugmyndir bárust sem gefa spennandi fyrirheit um framtíðina.
Á fundinum mun Dagur B. Eggertsson borgarstjóri fara yfir innsendar hugmyndir auk þess sem forsvarsmenn sex eða fleiri áhugaverðra hugmynda munu kynna nánar sínar hugmyndir.
Þá verða einnig kynnt næstu skref í verkefninu um hagkvæmt húsnæði en síðar í vor verða ákveðnar lóðir auglýstar undir valin nýsköpunarverkefni.
Fundurinn hefst klukkan 9 með erindi borgarstjóra en húsið opnar klukkan 8:30 og er boðið upp á léttan morgunverð.
Fundarstjóri verður Guðrún Ingvarsdóttir, forstjóri Framkvæmdasýslu ríkisins.
Fundinum verður streymt á facebook síðu Reykjavíkurborgar og á vef Reykjavíkurborgar.
https://reykjavik.is/hagkvaemt-husnaedi-ungt-folk-og-fyrstu-kaupendur
Dagskrá
08:30 Morgunverður
09:00 Dagur B. Eggertsson borgarstjóri kynnir hugmyndir sem bárust
09:40 Forsvarsmenn nokkurra hugmynda um hagkvæmt húsnæði kynna hugmyndir sínar
10:30 Næstu skref og lóðir – hvar verður hagkvæmt húsnæði í borginni?
11:15 Umræður og fyrirspurnir
