fbpx
Sunnudagur 05.febrúar 2023
Eyjan

Ekkert vit að hafa bara einn kjörstað fyrir allt höfuðborgarsvæðið

Egill Helgason
Laugardaginn 19. maí 2018 11:40

Ekki missa af Helstu tíðindum dagsins í pósthólfið þitt

Lesa nánar

Maður spyr – hvers konar nátttröllaháttur það sé að hafa einungis opinn einn kjörstað á öllu höfuðborgarsvæðinu fyrir bæjar-og sveitastjórnarkosningarnar á laugardaginn í næstu viku?

Utankjörfundaratkvæðagreiðslan fer fram í Smáralind. Þangað þarf fólk að fara hvort sem það býr í Kópavogi, Reykjavík, Hafnarfirði, Garðabæ, Seltjarnarnesi eða Mosfellsbæ.

Jú, Smáralindin er tiltölulega miðsvæðis á höfuðborgarsvæðinu, þannig séð. En þangað er samt langt að aka frá sumum af þessum bæjarfélögum.

Ég tala nú ekki um ef fólk er gangandi eða hjólandi – eða í strætó. Það getur verið býsna flókið að komast i strætisvagni í Smáralindina.

Því auðvitað eru ekki allir á bíl. Meðal þeirra sem hafa kosningarétt eru 18 ára unglingar. En líka gamalt fólk og öryrkjar. Og fólk sem hefur ekki efni á að eiga bíl.

Í Stundinni má lesa hvernig sýslumaðurinn á höfuðborgarsvæðinu hunsaði tillögur um að kjörfundur færi fram víðar en í Smáralindinni. Þessi sýslumaður er ekki þekktur fyrir sérstaka lipurð. Bæði Reykjavíkurborg og Samtök sveitarfélaga á höfuðborgarsvæðinu báðu um að atkvæðagreiðslan yrði á fleiri stöðum. Stundin segir að ekki hafi borist nein viðbrögð frá sýslumanninum.

Þetta jaðrar náttúrlega við það sem kallast þumbaraskapur. Á tíma dvínandi kjörsóknar er sjálfsagt að hafa kjörstaði opna sem víðast. Það þarf að hafa fyrir því að ná í kjósendur. Utankjörfundaratkvæðagreiðsla á að vera á áberandi stöðum (Smáralindin er prýðileg að því leyti), í hverju sveitarfélagi og auðvitað á fleiri stöðum en einum í stærri bæjunum.

Þetta getur ekki verið flókin framkvæmd, kostnaðurinn er örugglega ekki óyfirstíganlegur – og þetta er sjálfsagt í nútímalegu lýðræði.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 4 dögum

BÍ segir sig úr Alþjóðasambandi blaðamanna – „Ekki auðveld ákvörðun“

BÍ segir sig úr Alþjóðasambandi blaðamanna – „Ekki auðveld ákvörðun“
Eyjan
Fyrir 4 dögum

Árni stýrir Orku náttúrunnar

Árni stýrir Orku náttúrunnar
Eyjan
Fyrir 1 viku

Vísa ávirðingum Eflingar „til föðurhúsanna“ – Beita hvorki þrýstingi né hótunum

Vísa ávirðingum Eflingar „til föðurhúsanna“ – Beita hvorki þrýstingi né hótunum
Eyjan
Fyrir 1 viku

Arnar Már skipaður ferðamálastjóri

Arnar Már skipaður ferðamálastjóri
Eyjan
Fyrir 1 viku

Efling hafnar lögmæti miðlunartillögunnar og fordæmir vinnubrögð ríkissáttasemjara

Efling hafnar lögmæti miðlunartillögunnar og fordæmir vinnubrögð ríkissáttasemjara
Eyjan
Fyrir 1 viku

Ríkissáttasemjari grípur fram fyrir hendur Eflingar og leggur miðlunartillögu í dóm félagsmanna

Ríkissáttasemjari grípur fram fyrir hendur Eflingar og leggur miðlunartillögu í dóm félagsmanna