Costco í Kauptúni vill fjölga bensíndælum sínum um þriðjung, nú eru tólf slöngur en Costco vill fjölga þeim upp í sextán. Samkvæmt deiliskipulagi er heimild til að hafa fjórar dælueyjur á svæðinu.

Bensínstöð Costco er án efa sú vinsælasta á landinu og er nánast stöðug röð í dælurnar sem hefur gert fólki erfitt fyrir að komast greitt í verslun IKEA á svæðinu. Bensínverð Costco er rúmar 170 krónur á lítrann, og 165 krónur fyrir dísel, um þessar mundir sem er nokkuð lægra en samkeppnisaðilar bjóða upp á, ekki hefur verið upplýst um hversu mikið eldsneyti Costco selur.

Samkvæmt RÚV hefur Costco sent erindi á byggingafulltrúa Garðabæjar um að fá að fjölga dælunum í sextán, segir í erindinu að stöðin starfi nú við hámarksgetu og nauðsynlegt sé að bæta umferðarflæði um svæðið.