Hin opinbera fréttastofa Norður-Kóreu, KCNA, gagnrýndi í gær kínverska fjölmiðla og kínversk stjórnvöld. KCNA segir að Kínverjar séu að gera slæma stöðu verri og að það geti haft alvarlegar afleiðingar. Það er ekki hversdagslegur viðburður að stjórnvöld í Norður-Kóreu gagnrýni Kínverjar, sem eru einu bandamenn einræðisríkisins, en það að gagnrýnin er sett fram af KCNA þýðir að hún kemur beint frá valdhöfum í landinu.

Gagnrýnin var sett fram eftir að margir kínverskir fjölmiðlar gagnrýndu kjarnorkuáætlun Norður-Kóreu og sögðu síðustu tilraunir Norður-Kóreu með að skjóta eldflaugum á loft vera „ógn gagnvart því opna og vinsamlega sambandi sem hefð er fyrir að ríki á milli landanna tveggja“.

Í frétt KCNA segir að þetta séu „fáránleg“ og „hugsunarlaus“ ummæli sem „geri slæma stöðu aðeins verri“.

Kína ætti frekar að íhuga þær alvarlegu afleiðingar sem geta orðið vegna þess hversu hrottalega og tillitslaust er verið að eyðileggja grunn tengsla Kína og Norður-Kóreu.

Segir í frétt KCNA. Fréttastofan sakar kínverska fjölmiðla jafnframt um að vera sendiboða kínverskra stjórnvalda. Það er einmitt skemmtilegt tilviljun að almennt er talið að KCNA sé einmitt ekkert nema strengjabrúða einræðisstjórnarinnar í Norður-Kóreu.

Bandaríkin og Kína hafa undanfarið rætt hvernig ríkin eigi að taka á eldflauga- og kjarnorkuvopnatilraunum Norður-Kóreu. Eitt af því sem hefur verið rætt er að herða refsiaðgerðirnar gegn Norður-Kóreu enn frekar ef fleiri tilraunir verða gerðar.

KCNA vísar áhyggjum Kínverjar algjörlega á bug og segir að þær sé eingöngu tilkomnar vegna „fáfróðra stjórnmálamanna og fjölmiðlamanna“.

Fréttastofan tekur einnig enn sterkara til orða og segir:

Norður-Kórea mun aldrei knékrjúpa til að viðhalda vinskapnum við Kína.