Í gærkvöldi lagði þingflokkur Sjálfstæðisflokksins til  hverjir færu með formennsku í þeim þremur fastanefndum sem flokkurinn hefur að skipa. Tillaga þingflokksins er að Áslaug Arna Sigurbjörnsdóttir verði formaður utanríkisnefndar, Páll Magnússon formaður allsherjarnefndar og Óli Björn Kárason formaður efnahags- og viðskiptanefndar.

Þá er gert ráð fyrir að Haraldur Benediktsson verði fyrsti varaformaður fjárlaganefndar og Jón Gunnarsson verði fyrsti varaformaður umhverfis- og samgöngunefndar.

Alþingi verður sett í dag, en Alþingi hefur aldrei verið sett svona seint á árinu fyrr.  Fjárlagafrumvarpið verður kynnt fyrir hádegi og er frétta að vænta af því þegar líður á daginn.