Á Facebook er rætt um kvótauppboð. Þar er rýnt í orð Steingríms J. Sigfússonar, fyrrverandi formanns Vinstri grænna, sem sagði í viðtali í dag að „til greina kæmi að reyna uppboð í litlum mæli í anda þess sem gert var í Færeyjum“, eins og segir í frétt RÚV.

Jón Steinsson hagfræðingur skrifar að hann efist um „að VG muni verða hluti af lausninni í þessu máli á næsta kjörtímabili“.

Valgerður Bjarnadóttir, þingmaður Samfylkingarinnar, er afdráttarlausari í orðum sínum,. Hún segir að Samfylkingin hafi líklega horft framhjá því að VG sé afturhald.

Vinstri græn eru afturhald í sjávarútvegs- og landbúnaðarmálum. Ég er hissa ef það kemur einhverjum á óvart. Við (XS) höfum líklega horft um of fram hjá þeirri staðreynd.