Nú er einungis mánuður til jóla og Kiljan er á kafi í flóðinu.

Sigurður Pálsson kemur í þáttinn til að ræða um Táningabók, það er síðasta bókin í þríleiknum sem inniheldur líka Minnisbók og Bernskubók.

Sigurbjörg Þrastardóttir segir frá ljóðabókinni Kátt skinn (og gloría).

Við fjöllum um Reykjavík sem ekki varð eftir, þar rekja Anna Dröfn Ágústsdóttir og Guðni Valberg hugmyndir að stórhýsum í Reykjavík sem ekki urðu að veruleika.

Emil Hjörvar Petersen er að senda frá sér síðustu bókina í miklum fantasíuþríleik sem nefnist Saga eftirlifenda og segir okkur frá henni. Þetta bindi nefnist Níðhöggur.

Í dagskrárliðnum Bókum og stöðum förum við í Saurbæinn, á slóðir skáldanna Stefáns frá Hvítadal og Steins Steinarr.

Þrjár bækur eru til umfjöllunar hjá gagnrýnendum þáttarins: Skálmöld eftir Einar Kárason, Veraldarsaga mín eftir Pétur Gunnarsson og Hálfsnert stúlka eftir Bjarna Bjarnason.

Mynd úr bókinni Reykjavík sem ekki varð.