Daily Mail þykir kannski ekki áreiðanlegasta heimild í heiminum. Sumir segja meira að segja að England væri betra ef það væri laust við Daily Mail.
En þessi umfjöllun í Daily Mail er athyglisverð – á þessum degi þegar menn eru að undirbúa jólin.
Segir að alheimurinn gæti fallið saman á hverri stundu. Breyst í ofurþéttan ofurheitan bolta. Samkvæmt hinum óáreiðanlega fjölmiðli gæti þetta þegar verið komið af stað.
Það er allt vegna hinnar dularfullu Higgs-bóseindar.
Ég verð að viðurkenna að ég skil ekkert í þessu, eini lærdómurinn sem ég dreg – það er um að njóta þessa dags og allra hinna.
