Það er ákveðin þversögn í því þegar menn tala um fullveldisafsal ef Íslendingar ganga í ESB en eru um leið hæstánægðir með EES saminginn.

Í raun er skrítið að í allri þessari umræðu um fullveldi skuli ekki heyrast fleiri raddir sem krefjast þess að Íslendingar gangi úr EES. En slíkar raddir heyrast eiginlega ekki.

Marlene Wind, prófessor í Evrópufræðum við Kaupmannahafnarháskóla, skrifar grein um stöðu Dana innan ESB í Politiken.

Um leið víkur hún orðum að Íslandi og Noregi sem hún segir að séu kallaðar kopinationer innan Evrópusambandsins. Það mætti ýmist þýða sem ljósritunarþjóðir eða eftirhermuþjóðir, þjóðir sem yfirtaka lög frá ESB án þess að hafa nokkuð um þau að segja.

„De – altså EØS-lande som Norge og Island – er i dag nødsaget til at kopiere al EU’s lovgivning, men har ikke nogen som helst indflydelse på den. Landene er derfor blevet kaldt ’kopinationer’“