Plottið er að Kristján Þór Júlíusson taki við varaformennsku í Sjálfstæðisflokknum af Þorgerði Katrínu. Áhöld eru reyndar um hvort leyfilegt sé samkvæmt reglum flokksins að leysa málið með þessum hætti eða hvort þarf að kalla saman landsfund til að kjósa nýjan varaformann.
Bjarni Ben segist vilja flýta landsfundi, en hann verður þó varla fyrr en í haust. Staða formannsins sjálfs er auðvitað tæp.
Ef Þorgerður Katrín hverfur af þingi virðist einboðið að Óli Björn Kárason taki sæti hennar.
En Sigurður Kári Kristjánsson tekur sæti Illuga Gunnarssonar sem sagðist í gær ætla að víkja af þingi meðan sakamálarannsókn á sjóðum Glitnis stendur yfir. Það gæti varað í nokkurn tíma.
