Hrafn Gunnlaugsson hefur byggt upp reit á Laugarnestanga með alls kyns furðuverkum, hluta af leikmyndum úr kvikmyndum og skúlptúrum. Ég hef komið þarna stöku sinnum og hef ekki upplifað þetta sem neitt annað en skemmtilegt. Og sé ekki að það þvælist fyrir neinum eða skaði neinn, jafnvel þótt það hafi farið eitthvað aðeins út fyrir lóðamörk.
Nú eru borgarfulltrúar – og sérstaklega einn þeirra – að láta þetta fara óskaplega í taugarnar á sér. Það er hamast eins og þetta sé eitthvert stórmál. Og þeir ætla ekki að linna látum fyrr en búið er að fjarlægja dótið hans Hrafns.
Sem er nákvæmlega engin ástæða til, því þetta gerir ekkert annað en að lífga upp á svæðið – enda skilst mér að allir séu velkomnir að koma þarna og skoða.
