Í viðskiptablaði Moggans birtist grein sem Elías Pétursson benti mér á.
Greinina má finna í pdf skjali hér neðst.
Elías skrifar svohljóðandi bréf til skýringar:
— — —
„Sæll vertu,
Á bls 6 í viðskiptablaði moggans er ágæt grein um bankana og „ónýtu“ fyrirtækin………
Það sem þarf að gera er að mínu mati eftirfarandi………
Setja á stofn hóp/nefnd með þátttöku erlendra rekstrarsérfræðinga sem yfirfer allt sem bankarnir gera, skylda þarf bankanna til þess að láta þær upplýsingar af hendi.
Það er líka nauðsynlegt að fá erlenda aðila til þess að meta hvaða fyrirtæki eiga að fá að lifa í skjóli ríkis og skattborgara.
Ég alla vega treysti hvorki Steingrími né öðrum stjórnmálamönnum til þeirrar flokkunnar, og í ljósi reynslunnar treysti ég ekki heldur bönkunum til þessa verks.
Þau fyrirtæki sem síðan verða metin þess verð að vera leyst úr snörunni af skattborgurum eiga að fara inn í fyrirtæki á vegum ríkisins og allar upplýsingar um hjálp og annað verða að vera öllum aðgengilegar alltaf.
Það mætti jafnvel hugsa sér að hluti þessa eignarhalds/sölumeðferðar fyrirtækis ríkisins færi beint í almenningseigu, það erum jú við sem erum að borga brúsann. Það gæti verið góður móralskur kostur að senda íslendingum td 45% hlutfjár í því félagi, þar með erum við orðin svolítið „saman“ í björguninni og endurreisninni
Þau fyrirtæki sem ekki metast lífvænleg af erlendum fagmönnum verða svo bara að fara á hausinn því miður.
Sú staða sem er í dag er algjörlega óásættanleg, að bankarnir séu að keppa við viðskiptavini sýna um þær fáu krónur sem þó eru í umferð.“
— — —
Moggagreinin er hérna:
