Það mátti ekki leyfa Bjarna Ármannssyni að selja bréf sín í Glitni á almennum markaði, annars hefði gengi bankans fallið. Því urðu hluthafar bankans að gera sér að góðu að kaupa þau af honum á yfirverði.

Með ólíkindum er hversu mikið menn hafa lagt á sig til að halda uppi verðinu á hlutabréfum í bönkunum.

Verðmyndunin mátti alls ekki vera frjáls.

Gift, Stím, kaup bróður emírsins í Katar – allt er þetta gert til að viðhalda þeirri stóru blekkingu sem var hið ofurháa hlutabréfaverð.

Annars er merkilegt að þegar Bjarni Ármannsson er að semja um starfslok sín í bankanum þá ræðir hann við Jón Ásgeir.

Sem ekki var í stjórn bankans.