Davíð er þeirrar skoðunar að íslenskir fjármála- og bankamenn hafi gerst sekir um ýmis brot. En að rannsóknin hafi öll verið í skötulíki.

Í endursögn RÚV á viðtalinu við hann hljómar það svona:

Björn Bjarnason hafi ætlað að fækka í efnahagsbrotadeildinni um helming. Þá deild þyrfti að þrefalda eða fjórfalda.

Það hafi verið hann sem benti yfirvöldum á að katarinn væri í blekkingarviðskiptum með Kaupþing. Hann hafi sent lögreglunni bréf.  Það hafi valdið breytingum í skilanefndum Kaupþings og víðar.

Orð Davíðs um stjórnmálamenn sem fengu sérstaka og óeðlilega fyrirgreiðslu hjá bönkunum eru líka athygli verð. Um þetta hafa gengið sögur, en í raun hefur ekki verið upplýst um nema eitt tilfelli.

Einhvern veginn finnst manni líka að hlutur síðustu ríkisstjórnar – aðgerðaleysisstjórnarinnar – versni enn.

Ætli Geir svari fyrir sig á morgun?