Í þessari frétt stendur að stjórnendur nýju bankanna hafi staðið hæfispróf Fjármálaeftirlitsins.

Það kemur ekki á óvart. Í prófum hjá FME virðist vera aðeins ein regla:

Enginn fellur.

Þannig stóðust bankarnir álagspróf FME nokkrum dögum áður en þeir hrundu.

FME gaf þá einkunn að allt væri í sómanum með peningamarkaðssjóði bankanna.

Og forstjóri FME hélt hundrað fundi þar sem hann lýsti því hvað íslenska fjármálakerfið væri frábært.

En stjórnarformaðurinn kom fram í auglýsingabæklingi frá Landsbankanum.

FME hefur aldrei komið upp um alvöru innherjasvik á Íslandi, í landi þar sem innherjaviðskipti voru í raun sjálft eðli og inntak kerfisins.

Allt ber að sama brunni: Ekkert fall hjá FME.