Í Kiljunni í kvöld verður fjallað um Bernd Koberling, þýskan málara sem hefur komið til Íslands í þrjátíu ár, dvelur yfirleitt austur í hinum eyðilega Loðmundarfirði, og sýslar meðal annars við að myndskreyta bækur eftir íslenska höfunda sem eru prentaðar í glæsilegum útgáfum í Þýskalandi: Snorra Hjartarson, Baldur Óskarsson, Sjón og Gyrði Elíasson.

Hann á sér þann draum að koma Þórbergi Þórðarsyni út í Þýskalandi.

Við heimsækjum skemmtilegustu bókabúð á Íslandi, hún er á Selfossi og er í eigu Elínar Gunnlaugsdóttur og Bjarna Harðarsonar. Þetta er í senn bókaverslun, fornbókabúð, bókakaffi, menningarmiðstöð og setur þjóðlegs fróðleiks.

Einnig fjöllum við um bókaútgefandann Ólaf Ragnarsson sem dó fyrir stuttu. Ólafur var dyggur forleggjari Halldórs Laxness en kom líka höfundum eins og Ólafi Jóhanni Ólafssyni og Arnaldi Indriðasyni á framfæri.

Páll og Kolbrún og Bragi eru á sínum stað í þættinum.