Raunveruleikastjarnan og snyrtivörumógullinn Kylie Jenner og rapparinn Travis Scott hafa ákveðið að taka tímabundið hlé á sambandi sínu, samkvæmt E! News.
Parið á saman eina dóttur, Stormi Webster, 1 árs. Þau hafa verið saman í um tvö ár.
„Kylie og Travis eru ekki formlega hætt saman en eru að taka smá tíma í sundur,“ sagði heimildamaður E! News.
„Þau hafa verið að rífast aftur en hafa samt séð hvort annað síðasta mánuðinn. Þau rífast yfir fáránlegum hlutum og Kylie getur verið mjög skeptísk um Travis. Hann hefur verið stressaður um nýja tónlist sem hann er að gefa út.“
Samkvæmt heimildamanninum ákvað parið að það væri best fyrir þau að búa í sundur og taka smá tíma í að ná áttum.
„Travis hefur verið heima hjá sér í Beverly Hills og Kylie hefur leyft honum að hitta Stormi. Hún myndi aldrei taka það frá honum.“
