Tískuhönnuðurinn Vera Wang fagnar afmæli á aldri þar sem flestir setjast í helgan stein, en hún lítur ekki út fyrir að vera deginum eldri en 30 ára á nýjustu Instagram mynd sinni.
Wang er einn þekktasti hönnuður heims og greinilegt er að hún hefur góð gen.
Hún fagnaði afmæli sínu um helgina og stillti sér upp fyrir myndavélina. Hún var í magabol og leggings með neglur skreyttar í öllum regnbogans litum.
Þúsundir ummæla voru undir myndinni þar sem fólk sagði að Vera liti frekar út fyrir að vera tvítug frekar en sjötug.
Ummælin voru á borð við: „Ég neita að trúa að þú sért sjötug“ og „gerðu það deildu með okkur leyndarmáli þínu, hvernig hugsarðu um húðina þína?“ Einn fylgjandi Wang skrifaði bara: „Hvernig“?
Af myndum að dæma er Wang ekkert að halda í við sig þegar kemur að mataræði. Hún fagnaði afmæli sínu með „köku“ samansettri af uppáhalds hlutunum hennar. Kokteil, vodkaflösku, croissant, pylsu og kínverskum mat.
