Love Is Blind stjörnurnar Mark Cuevas og Lauren „LC“ Chamblin eru hætt saman. E! News greinir frá.

Raunveruleikaþættirnir Love Is Blind slógu í gegn á Netflix í byrjun árs. Þeir voru eitt vinsælasta sjónvarpsefni meðal Íslendinga á streymisveitunni í nokkrar vikur. Í þáttunum fengum við að fylgjast með einstaklingum í leit að ástinni. Þeir fóru á stefnumót, en án þess að sjá hvorn annan. Keppendurnir töluðu í gegnum „vegg“ og fengu aðeins að hittast ef þeir trúlofuðust. Þættirnir voru félagsleg tilraun til að svara spurningunni: „Er ást blind?“

Mark Cueavas og Lauren voru bæði þátttakendur í Love Is Blind og fóru á þó nokkur stefnumót. En eins og áhorfendur muna þá valdi Mark ekki Lauren, heldur Jessicu sem endaði með að hætta með honum við altarið á brúðkaupsdaginn.

Í maí síðastliðnum byrjaði rómantíkin að blossa aftur milli Mark og Lauren. En Lauren hefur nú hætt með Mark eftir að upp komst um meint framhjáhald hans. Lauren heldur því fram að þau voru saman en Mark segir að þau voru ekki saman.

Komst upp á Reddit

Aðdáandi þáttanna skrifaði á Reddit: „Vinnufélagi vinkonu minnar er að hitta Mark!!“ Aðdáandinn deildi einnig mynd af Mark með annarri konu og virtust þau vera á stefnumóti.

Í kjölfarið staðfesti Lauren að hún og Mark höfðu verið saman og sagði:

„Þetta er vandræðalegt þar sem ég á heima í Atlanta og hef verið að hitta Mark síðan í byrjun maí. Þetta er LC úr Love Is Blind. En ég var að hætta með honum. Ég kann að meta að þú deildir þessu og sparaðir mér orkuna að vera í sambandi með öðrum lygara.“

Í samtali við E! News segir Lauren að hún og Mark voru að hittast. „En við töluðum um að hitta ekkert annað fólk, sérstaklega vegna COVID-19. En þetta er búið núna,“ segir hún.

Mark sagði við E! News að þau hefðu ekki verið búin að ákveða að vera trú hvort öðru. „Ég naut þess að verja tíma með LC í nokkrar vikur en við vorum aldrei saman eins […] Ég óska henni alls hins besta.“

Mark trúlofaðist Jessicu Batten í þáttunum. Hann var yfir sig ástfanginn af henni en ástin var ekki endurgoldin og sagði hún meðal annars tíu ára aldursmuninn á milli þeirra vera ástæðu fyrir því.

Jessica hefur tjáð sig um málið. E! Online deildi Instagram-færslu um sambandsslitin og skrifaði netverji við færsluna: „Mark var að sofa hjá MÖRGUM konum í stúdíóinu þar sem hann æfði Á MEÐAN tökur fyrir þættina stóðu yfir.“

Jessica svaraði og sagði: „Vá, þetta eru fréttir. Ég vissi bara um eina.“