Amber Luke er 25 ára og frá Brisbane í Ástralíu. Þegar hún var sextán ára var hún greind með þunglyndi. Til að vinna gegn því byrjaði hún að breyta líkama sínum með því að fá sér tattú, göt og gangast undir fegrunaraðgerðir. Hún segist vera hamingjusöm í dag en áður gat hún ekki litið í spegill því hún hataði sig sjálfa svo mikið. Hún segir frá þessi í þætti Hooked On The Look á YouTube-síðunni Truly.
Amber er með hátt í 600 tattú og hefur meðal annars látið tattúvera augun og klippa tungu sína í tvennt. Hún hefur einnig breytt eyrunum sínum og fengið sér fyllingar í varir og kinnar og látið stækka á sér brjóstin.
Amber kom fyrst fram í þætti Hooked On The Look í október 2019. Myndbandið vakti mikla athygli þar sem Amber sagði frá því að hún hafi orðið blind í þrjár vikur eftir að hafa tattúverað augun.
Sjá einnig: Var blind í 3 vikur eftir að hafa tattúverað augun
Síðan þá hefur Amber nýtt hvert tækifæri til að fá sér nýtt tattú en kórónuveirufaraldurinn hefur sett sitt strik í reikninginn.
„Ég hafði aðeins um þrjá mánuði að fá mér tattú áður en ég vissi að COVID-19 væri að skella á. Ég fékk mér til dæmis svona sætan plástur á nefið,“ segir Amber.
Amber aðhyllist satanisma. „Þetta snýst allt um virðingu. Ef þú virðir mig þá virði ég þig. Satanismi snýst að miklu leyti um einstaklingshyggju og að vera óhræddur við að tjá þig og sýna þig. Ég meina, hver er tilgangurinn með að lifa venjulegu lífi. Það er leiðinlegt.“
Næst á dagskrá hjá Amber er fegrunaraðgerðin brazilian butt lift. Þetta er aðgerð þar sem fita er notuð til að fylla í rass og mjaðmir. „Margir eru eflaust að velta fyrir sér af hverju ég fer bara ekki í ræktina. Ég er löt,“ segir hún.
Amber segir að hún hefur eytt um 4,7 milljónum íslenskra króna í tattú og um 1,8 milljón í ýmsar fegrunaraðgerðir.
„Ég veit að ég hljóma mjög grunnhyggin fyrir að vilja breyta líkama mínum svona. En ímyndaðu þér að hata þig sjálfa svo mikið að þú getur ekki einu sinni litið í spegill. Þú getur ekki stigið fæti út fyrir húsið. Það var skelfilegt að fara í gegnum þetta. Ætli ég sé ekki bara öðruvísi manneskja en ég var. En ég er sterk manneskja í dag,“ segir hún.
Í þættinum kemur vinkona Amber í heimsókn og hylur öll tattú á andliti hennar og hálsi. Amber kemur kærasta sínum á óvart og eru þau bæði sammála um að hún sé fallegri með andlitstattú. Horfðu á þáttinn hér að neðan.
