Rapparinn Iggy Azalea segir að hún sé móðir. Hún hefur verið í sambandi með Playboi Carti síðan 2018. Í desember 2019 fór orðrómur á kreik að parið ætti von á barni. Iggy staðfesti aldrei orðróminn, né neitaði honum.
Á Instagram í gær sagðist hún vera orðin móðir en vil halda syni sínum frá sviðsljósinu.
„Ég er alltaf að bíða eftir rétta tímanum til að segja eitthvað, en mér líður eins og með tímanum verði erfiðara að deila þessum stóru fréttum með heiminum,“ skrifaði Iggy í Story á Instagram.
„Ég vil halda honum frá sviðsljósinu en vil hafa það á hreinu að hann er ekki leyndarmál og ég elska hann meira en orð fá lýst.“