Dýravinurinn og aktívistinn Carole Baskins hefur hlotið mikla athygli undanfarið eftir að þáttaröðin um tígrisdýrakónginn Joe Exotic kom út á Netflix. Hún er erkifjandi Joe og situr hann sem stendur í fangelsi fyrir að hafa reynt að koma henni fyrir kattarnef. Í þáttunum er einnig farið í þrálátan orðróm sem hefur gengið árum saman um að Carole beri ábyrgð á hvarfi fyrri eiginmanns síns en þeim orðrómi hefur Carole alla tíð neitað.
Carole Baskins ákvað að láta reyna á þessa nýfundnu frægð og sendi myndband til söngvarana frægu Justin Biebers og Ariönu Grande sem hún vonaði að fengi að vera með í nýju myndbandi við lagið Stuck With U. Í myndbandinu eru sýnd brot úr innsendum myndskeiðum frá aðdáendum söngvaranna sem eru í sóttkví. Carole er mikill aðdáandi.
Því miður virðist það svo að myndskeið Carole fái ekki að vera með í sjálfu myndbandinu en Justin Bieber deildi engu að síður myndskeiðinu á Instagram síðu sinni.
https://www.instagram.com/p/B_5kS5Hn8DX/?utm_source=ig_embed&utm_campaign=loading
Carole getur þó huggað sig við að hafa fengið óvæntan glaðning í staðinn á dögunum þegar Broadway stjarnan og leikkonan Kristin Chenoweth gerði örsöngleik um Tiger King þættina og deildi á Youtube. Þar tekur hún fyrir söguna frá sjónarhorni Carole.