Söngkonan Katy Perry á von á sínu fyrsta barni með unnusta sínum, leikaranum Orlando Bloom, núna í sumar.
Þrátt fyrir óléttuna þá er Katy enn á fullu í tónlistinni og nú hefur hún birt nýtt tónlistarmyndband við lagið Daisies.
Í myndbandinu er Katy bæði í sumarlegum hvítum kjól og alveg nakin, þó hún noti hendurnar til að skýla því sem Facebook myndi ekki leyfa myndir af.
Katy sagði á Instagram að nýlega hafi lagið fengið nýja merkingu fyrir henni.
„Ég samdi þetta lag fyrir nokkrum mánuðum til að minna fólk á að halda sig við markmið sín, alveg sama hvað aðrir hafa um það að segja. Nýlega hefur þetta fengið nýja merkingu fyrir mér, svona í ljósi þess sem heimurinn er að ganga í gegnum í dag. Við erum öll einstök með okkar eigin sögu af styrk og seiglu.“
Myndbandið má sjá hér að neðan: