Dr. Phil er búinn að setja höfðingjasetur sitt í Beverly Hills á sölu. Það er ekki beint það sem maður hefði búist við af sjónvarpssálfræðingnum.
Stórhýsið er rúmlega 557 fermetrar og eftir að hafa skoðað nokkrar myndir er ljóst að það var ekki ætlað Dr. Phil.
Dr. Phil keypti húsið árið 2007 en það er sonur hans, Jordan McGraw, sem býr þar. Hann opnaði dyrnar að heimilinu árið 2015 og sagði frá því hvernig hann fékk innblástur frá Tim Burton þegar kom að því að hanna innviði þess.
„Hugmyndin er eiginlega sú að Tim Burton ældi á striga og því var breytt í hús,“ sagði Jordan í viðtali við Daily Mail.
Það eru fimm svefnherbergi og sex baðherbergi í húsinu. Heill veggur er þakinn rifflum og byssum. Það er einnig stórt útisvæði og sundlaug og stórt sjónvarpsherbergi. Eignin er sett á 708 milljón krónur.
Sjáðu fleiri myndir hér að neðan.
