Áhrifavaldurinn og athafnakonan Manuela Ósk Harðardóttir hefur mikið verið á faraldsfæti undanfarið, ekki síður vegna ástarlífsins. Undanfarið hefur hún verið að stinga saman nefjum við samkvæmisdansarann Jón Eyþór Gottskálksson, en þau hafa verið að leiða saman hesta sína í sjónvarpsþáttunum Allir geta dansað.

Þau Manuela og Jón hafa nú opinberað rómantíkina eins og fram kemur í umfjöllun Vísis. Bæði eru þau Jón Eyþór og Manuela með opna Instagram-reikninga þar sem þau leyfðu fylgjendum sínum að fylgjast með þeim njóta lífsins meðal annars hefur Jón Eyþór lýst því yfir að honum þætti Manuela fullkomin í alla staði.

Á Instagram-síðu Reykjavík Ink má sjá að parið hafi fengið sér tattú í sambærilegum stíl. Hún hafi fengið sér hjartadrottningu og hann hjartakóng, eins og sjá má á myndinni að neðan.

Má þess geta að í kvöld verður haldin símakosning til söfnuðar fyrir samtökin Ljónshjarta, en þau samtök eru Manuelu afar kær enda er hún einnig með tattú af ljónshjarta. Umrædd samtök til stuðnings yngra fólki sem misst hefur maka og börnum þeirra. Sjálf missti Manuela Ósk föður sinn þegar hún var mjög ung.

„Ég tala nánast aldrei um föðurmissinn samt er það líklegast það atvik sem mótaði mig mest. Pabbi minn dó þegar ég var tveggja ára og ég ólst því upp með söknuð í eitthvað sem ég aldrei þekkti,“ segir Manuela í viðtali við Vísi.

Manuela kveðst vera ótrúlega stolt af því sem þau Jón hafa gert í sjónvarpsþættinum og rifjar hún upp hvað hefur staðið hvað mest upp úr að svo stöddu. „Mér leið best þegar við dönsuðum tangó. Það var í jólaþættinum þannig að sviðið var svo fallegt og hátíðlegt og ég var líka mjög skotin i kjólnum sem ég var í. Öll þessi litlu atriði skipta máli því þegar manni líður vel þá skín það í gegn í dansinum,“ segir Manuela.