Um fátt er rætt þessa daganna hjá breskum fréttamiðlun annað en hertogahjónin, prins Harry og Meghan Markle, eftir að hjónin tilkynntu að þau ætli sér að stíga til hliðar frá konunglegum skyldum sínum og flytja til Kanada. .
Elísabet Englandsdrottning er sögð hafa áhyggjur af andlegri heilsu Harrys. Hún hefur nú boðað alla mikilvægustu meðlimi konungsfjölskyldunnar á krísufund til að ræða þetta mál og framtíðarstöðu hertogahjónanna innan fjölskyldunnar. Meðal þeirra mála sem ræða þar er hvort hertogahjónin verði svipt konunglegum titlum sínum, hvort þau haldi áfram að sinna opinberum störfum fyrir fjölskylduna, hvernig nýtt líf þeirra verði fjármagnað og annað.
Konungsfjölskyldan mun vera í sárum eftir skyndilega tilkynningu hertogahjónanna sem ekki var borinn undir neinn áður en hún var birt. Auk þess gengur sá orðrómur að hjónin ætli sér að ræða málin opinskátt í viðtali þar sem engu verður haldið eftir. Er þá óttast að Meghan muni ljóstra upp fordómum sem hún hafi orðið fyrir innan fjölskyldunnar vegna húðlitar hennar.
Mynband frá júlí hefur einnig verið grafið upp þar sem sjá má Harry ræða við forstjóra Disney um mögulega vinnu við talsetningar fyrir Meghan. Meghan hefur nú skrifað undir samning við Disney.
Villhjálmur prins mun vera afar hryggur yfir ákvörðun bróður síns og er sagður hafa sagt við vin sinn „Ég hef haldið utan um bróður minn allt okkar líf og ég get ekki gert það lengur – við erum sitthvor manneskjan.” Bræðurnir hafa alla tíð verið afar nánir en fjarlægð á milli þeirra hefur aukist töluvert eftir að Harry kynntist Meghan.
Heimildarmenn úr búðum Meghan segja hana spennta fyrir breytingunni enda líf hennar í Bretlandi eitrað.
Ítarlega umfjöllun um málið má lesa hér hjá DailyMail