Jón Viðar Arnþórsson, einn stofnenda Mjölnis, leitar nú að kaupanda að hlut sínum í íþróttafélaginu en hann er einn af stærstu eigendunum með 14,71 prósents hlut. DV ákvað að leggja tarot fyrir Jón Viðar og sjá hvað framtíðin ber í skauti sér. Lesendur geta sjálfir dregið tarotspil á vef DV.
Fyrsta spil sem kemur upp er 2 bikarar. Það táknar sérstaka manneskju sem á stóran þátt í daglegu lífi Jóns Viðars. Þar ríkir traust, heiðarleiki og gagnkvæm virðing. Jón Viðar hrífst af þessari manneskju og treystir henni fyrir sínum dýpstu óskum og leyndarmálum. Það ríkir mjög gott jafnvægi í sambandinu. Hins vegar virðist einhvers konar ósætti hafa átt sér stað en nú er það á bak og burt, enda afar lítilfjörlegt í stóra samhenginu. Hugsanlega er trúlofun eða gifting í vændum.
Svo er það Keisaraynjan. Aftur kemur upp stór viðburður í lífi Jóns Viðars; gifting eða barnsburður birtist hér. Það ríkir mikil vellíðan í ástarsambandi sem hann er í. Þar ríkir kærleikur, heiðarleiki og hrein vinátta. Saman skapa þau eftirsóknarvert umhverfi sem er umlukið hlýju, umhyggju og aðhaldi. Það er gaman að vera í kringum Jón Viðar og í fyrsta sinn í langan tíma er hann afar sáttur við sjálfan sig.
Loks er það spilið Breytingar. Það er kafli senn á enda, sá kafli sem tengist Mjölni. Nýr er um það bil að hefjast og það er tími til að fagna þessum breytingum, enda eru þær til batnaðar. Aftur kemur upp mikilvægur viðburður, en nú tengist hann nýju starfi eða flutningi. Jón Viðar er minntur á að breytingar geta verið erfiðar í fyrstu en þessar breytingar hafa ekkert nema gott í för með sér. Um leið og Jón Viðar stendur í þessum breytingum verður hann að gera upp fortíðina, gefa hana upp á bátinn og bjóða nýja kaflann velkominn með allri sinni gleði og hamingju.
