Ketó-drottningin og fyrrverandi klámstjarnan Jenna Jameson deilir reglulega alls konar ketó og heilsutengdum ráðum á Instagram.Hún hefur misst tæp 40 kíló síðan hún byrjaði á ketó og fundið ástríðu fyrir heilbrigðum lífsstíl.
Í nýlegri færslu ræðir hún um andlega heilsu og hvernig hún eykur hamingju og hvatningu í sínu lífi.
Hún telur upp tíu ráð og segist jafnan lifa eftir þessum ráðum.
Hér að neðan erum við búin að þýða ráð Jennu lauslega fyrir lesendur:
- Hjálpaðu öðrum, það er ekkert betra en að gefa.
- Farðu út. Það er sannað að D-vítamín frá sólinni komi manni í betra skap.
- Hreyfðu þig, jafnvel hreyfing í 20 mínútur í dag mun breyta viðhorfi þínu.
- Fáðu nægilega hvíld, það er ekki alltaf auðvelt en reyndu að fá átta tíma svefn.
- Spurðu spurninga og hlustaðu.
- Hringdu í fjölskyldumeðlimi þína og tjáðu þeim ást þína.
- Sestu niður í þögn og hugsaðu um hvað er gott í þínu lífi í tíu mínútur á dag.
- Búðu um rúmið um leið og þú vaknar.
- Spurðu börnin þín hvernig þeim líður og virtu tilfinningar þeirra.
- Mundu á hverjum degi að þú ert verðug og mikilvæg.
https://www.instagram.com/p/B0UMiTshnVx/
