Fátt er eins persónulegt og fyrirhugaðar barneignir og eflaust þykja mörgum spurningar um slík áform óþægilegar. Umræðan um ófrjósemi er sífelt að verða algengari og ljóst að fjölmörg pör glíma við vandann. Fjölmargar frægar leikkonur hafa nú stigið fram og deilt reynslu sinni þegar kemur að þessum efnum.

Þegar Anne Hathaway greindi frá því að hún gengi nú með sitt annað barn en með yfirlýsingunni lét hún fylgja að hvorug meðgangan hefði gengið auðveldlega fyrir sig. Raunar lýsir hún ferlinu sem algjöru helvíti og segist senda auka skammt af ást til þeirra sem glíma við sama vanda.

Tyra Banks hefur jafnframt deilt reynslu sinni þegar kemur að frjósemis erfiðleikum en hún eignaðist sitt fyrsta barnið árið 2016. „Að þurfa stinga þig stöðugt með nálum í magann og ganga í gegnum bæði líkamlega og andlega vanlíðan svo mánuðum skipti er meira en að segja það. Þurfa svo að mæta í vinnuna og láta eins og ekkert sé er gríðarlega erfið reynsla. Ég trúi varla að ég sé að segja þetta upphátt en þetta er mikilvæg umræða sem má ekki þagga. Konur eiga ekki að skammast sín fyrir erfiðleika af þessu tagi.”

Undir þetta tekur Chrissy Teigen sem játar að hún og eiginmaður hennar, John Legend hafi átt virkilega erfitt með að verða barnshafandi en þau eiga í dag tvær dætur.  „Við myndum helst vilja eiga fimm eða sex börn en þetta hefur verið langt og strangt ferli. Í hvert skipti sem ég er spurð hvort okkur langi í fleiri börn svara ég viðkomandi því að einn daginn muni hann spyrja ranga stúlku þessarar spurningar því það eiga svo margir í erfiðleikum þegar kemur að þessum efnum. Ég hata þessa spurningu svo í öllum bænum hættið að spyrja mig.”