Leikkonan Rachel Bilson tjáir sig í fyrsta sinn um lífið sem einhleyp móðir á stefnumótamarkaðinum. Hún segist nýta hvert tækifæri á nýjum stefnumótum til að minnast á tilvist dóttur sinnar enda sé hún það mikilvægasta í sínu lífi. „Í hvert sinn sem ég segi vænlegum vonbiðli frá henni fæ ég undantekningalaust engar spurningar á móti. Fyrir mér er það viðvörunarmerki að sýna ekki barni þeirrar sem þú ert á stefnumóti með áhuga. Ef þú hefur áhuga á mér hefuru líka áhuga á henni enda er hún það sem líf mitt snýst um. Sá maður sem á skilið athygli mína verður að kunna að meta hana líka.“
Bilson, sem á fjögurra ára dóttur með fyrrum mótleikara sínum úr OC þáttunum, Hayden Christensen, ítrekar jafnframt að það komi ekki til greina að kynna Briar litlu Rose fyrir neinum nema það sé full alvara á bak við sambandið. „Hún hefur aldrei hitt neinn sem ég hef átt í rómantískum samskiptum við og ef hún gerði það væri það einhver sem ég sæi mikla alvöru í og myndi vita að væri sá maður sem ég gæti átt framtíð með,“ segir Bilson og bætir við að samband þeirra feðgina sé jafnframt gríðarlega gott.
