Alþingismaðurinn Logi Einarsson gefur samfélagsmiðladrottningunni Sólrúnu Diego gott ráð á Twitter. Eins og alþjóð veit skaust Sólrún upp á stjörnuhimininn með edikblöndu að vopni og er hvað þekktust fyrir að skrúbba heimilið með ediki með góðum árangri.
Nú hefur Logi hins vegar fundið efni sem gæti leyst edikið af hólmi.
„Fyrir tilviljun komst ég að því að veipvökvi dugar á allt. Edikið er greinilega á leiðinni út!“ skrifar Logi og merkir Sólrúnu í færslunni.
Tips fyrir .@solrundiego
Fyrir tilviljun komst ég að því að veipvökvi dugar á allt. Edikið er greinilega á leiðinni út!
— Logi Einarsson (@logieinarsson) February 20, 2019
Sólrún hefur hins vegar ekki svarað kallinu enda svo sem ekki að furða þar sem Twitter hefur aldrei verið hennar aðalmiðill og hefur hún ekki verið virk þar síðan í desember á síðasta ári. Sólrún hætti nýverið á Snapchat og einbeitir sér nú að Instagram.
