Stacy Blair er 30 ára og hefur misst 100 kíló og halda þeim í burtu. Hún segir Women‘s Health Magazine hvernig hún fór að því.
„Mér fannst ég vera föst í endalausum hring af átröskun. Ég fór á milli ofáts og að neita mér um mat. Og út af þessu þá sveiflaðist þyngdin mín verulega upp og niður. Ef ég reyndi að grenna mig þá var það aldrei gert á heilbrigðan máta. Og mér tókst aldrei að viðhalda þyngdartapinu. Ég þyngdist alltaf aftur og bætti meira á mig,“ segir Stacy.
https://www.instagram.com/p/B3pdAyjgdIL/
„Þann 14. september 2017 fékk ég mitt „aha“ augnablik. Heilsan mín fór versnandi. Ég var 28 ára og tók blóðþrýstinglyf og var með versnandi astma. Það var vont að ganga eða standa lengur en í fimm mínútur. Þennan dag steig ég á vigtina, þyngri en ég hafði nokkurn tíma verið áður, 159,8 kíló, aðeins 155 cm. Ég horfði í spegillinn og fór að gráta.“
Stacy ákvað að nú væri nóg komið og hún ætlaði að fá heilsuna sína til baka.
„Í fyrsta skipti breyttist ástæðan fyrir því að ég væri í átaki. Ég var ekki að reyna að léttast til að líta betur út eða vera grönn, heldur var ég að einblína á að, já, deyja ekki ung. Ég vildi geta spilað almennilegt hlutverk í lífi litla bróður míns frekar en að horfa á úr fjarska í sófanum. Ég vildi geta átt þann möguleika að vera móðir einn daginn. Ég vildi lifa í stað þess að vera bara til.“
https://www.instagram.com/p/B3X76lIAw2o/
Ekkert plan í byrjun
Til að byrja með skrásetti Stacy allan matinn sem hún borðaði og taldi kaloríur. „Þetta var mjög mikilvægt þar sem þetta hjálpaði mér að skilja betur næringargildi matvæla og skammtastærðir,“ segir hún.
Hún fikraði sig síðan áfram í ketó.
„Þetta er fyrsta matræðið sem hefur virkilega virkað fyrir mig. Ég var ekki alltaf svöng sem gerði það mun auðveldra fyrir mig að gera að langtíma lífsstíl,“ segir Stacy.
„Ég setti allt sem ég borðaði inn í MyFitnessPal. Ég fylgdist með kaloríufjöldanum sem ég innbyrti og einnig orkuhlutföllunum (prótein, fita og kolvetni). Ég notaði ókeypis ketó macro reiknivél á netinu.“
Hún segir að það hafi líka verið mjög mikilvægt skref fyrir hana að byrja undirbúa alla hádegis- og kvöldverði.
„Ein af afsökunum mínum var: Það er ekki til neitt að borða heima og ég er of þreytt til að elda eitthvað eftir vinnu. Að undirbúa matinn hefur gjörsamlega breytt öllu. Nú er ég alltaf með tilbúinn hollan mat til að grípa í, sama hversu þreytt ég er. Ég nota mikið Google og Pinterest til að finna gómsætar ketó uppskriftir.“
https://www.instagram.com/p/B2zcqADgASw/
Meiðsli
Stacy meiddi sig í hnénu í janúar 2018 sem gerði það að verkum að hún gat lítið stundað líkamsrækt. Þrátt fyrir það hélt hún áfram að skafa af sér aukakílóin.
Hún reynir núna að hreyfa sig allavega 30 mínútur á dag, eins og að fara í langa göngutúra.
Stacy segir að lykillinn að þessu öllu saman var að finna sína „ástæðu.“
„Það gaf mér drifkraft. Það var nógu mikilvægt fyrir mig til að segja skilið við allar afsakanirnar sem ég var vön að nota,“ segir hún.
„Ég missti 100 kíló á 17 mánuðum og hef viðhaldið því í sex mánuði. Ég vil að aðrar konur viti að það er ekkert til sem heitir að vera of langt komin, of stór eða of gömul þegar kemur að þyngdartapi. Það er aldrei of seint að fá heilsuna aftur. Vertu þolinmóð. Þetta tekur tíma.“
https://www.instagram.com/p/Byksd7DATyw/
