Mánudagur 27.janúar 2020
Bleikt

Lesið í tarot Jóns Gnarr: Gæti sest á valdastól fyrr en hann grunar

Ritstjórn Bleikt
Laugardaginn 19. október 2019 11:30

Ekki missa af Helstu tíðindum dagsins í pósthólfið þitt

Lesa nánar

Jón Gnarr, spéfugl og fyrrverandi borgarstjóri, hefur marga fjöruna sopið og margir bíða spenntir eftir því sem hann tekur sér næst fyrir hendur. DV ákvað því að leggja fyrir hann tarotspil til að sjá hvað framtíðin ber í skauti sér, en áhugasamir lesendur DV geta dregið sín eigin tarotspil á vef DV.

Góður við sjálfið

Fyrsta spilið sem kemur upp hjá Jóni er Sólin. Í hans lífi ríkir mikil gleði, mýkt og jafnvægi og einkennist af sköpun, gleði, allsnægtum og fullnægju. Jón gerðist nýlega vegan og hefur það breytt lífsstíl hans og líðan til muna. Hann nýtur einmitt þeirrar blessunar að hann hugsar ávallt vel um innra jafnvægi og er meðvitaður um að fylla líf sitt af kærleik. Hann er góður við sjálfið og það sést. Jón á sér stóra drauma og vinnur jákvætt og markvisst að þessum draumum einmitt á þessum tíma. Hann hefur mikinn metnað og er hvergi banginn. Óskir hans eru sannarlega raunhæfar og verða þær að veruleika fyrr en hann grunar. Hann mun öðlast það vald sem hann sækist eftir og mun þetta nýja verkefni gefa honum mikla hamingju.

Sár fortíð

Þetta verkefni gæti vel tengst pólitík þar sem næsta spil hjá Jóni er 9 stafir. Það spil er um margt mjög táknrænt. Bæði táknar það léttleikann sem einkennir Jón á efri árum, enda veit hann að of mikil alvara þjónar engum tilgangi, og einnig fortíðina, sem hefur oftar en ekki verið stormasöm. Þessi sára reynsla fortíðarinnar drífur Jón áfram í að öðlast velgengni í starfi. Hann hefur upplifað þjáningu og vandamál í æsku en þau efla kjark hans. Jón býr yfir styrk á við heilan her. Hann kann líka að læra af reynslunni og ætlar að nýta öll mistök fortíðarinnar til góðs í þessu nýja verkefni.

Heppinn

Loks er það Hamingjuhjólið. Það er líkt og heillastjarna skíni yfir Jóni. Hann er mjög heill maður og því gefur hann af sér gleði og kærleik og fær það tífalt til baka. Hann þarf að einhverju leyti að gefa sig á vald örlaganna því framtíðin mun koma honum skemmtilega á óvart og færa honum betri tíma. Hann er heppinn og hamingjuhjólið snýst honum í hag. Almenn vellíðan er framtíðin og enginn tími fyrir erfiðleika og ónot. Jón veit að göfgi verður að fylgja göfugum tilgangi og skrefin sem hann stígur um þessar mundir vísa honum á næstu skref inn í hamingjuna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 1 viku

Lesið í tarot Hildar: Byrjunin á einhverju stóru

Lesið í tarot Hildar: Byrjunin á einhverju stóru
Bleikt
Fyrir 1 viku

Ástarsaga hataðasta fólks Bretlands

Ástarsaga hataðasta fólks Bretlands
Bleikt
Fyrir 1 viku

Móðir upplifði martröð: Bleyjurnar sem hún keypti á Amazon voru notaðar

Móðir upplifði martröð: Bleyjurnar sem hún keypti á Amazon voru notaðar
Bleikt
Fyrir 2 vikum

Stjörnuspá vikunnar: Það eru veigamiklar breytingar framundan í þínu lífi og þú kvíðir fyrir þeim

Stjörnuspá vikunnar: Það eru veigamiklar breytingar framundan í þínu lífi og þú kvíðir fyrir þeim

Tarot Spil

Veldu þér spil og sjáðu spádóm þinn.