Margir hafa kvartað yfir því að hér á landi sé leiguverð rokið upp úr öllu valdi og sé ekki mönnum bjóðandi. Sú staðreynd má teljast góð og gild en það sem einnig þarf að taka inn í myndina er það að kaupverð fasteigna virðist endalaust ætla að hækka. Það getur því reynst erfitt fyrir fólk að komast af leigumarkaðnum og inn á kaupmarkaðinn.
Margir neyðast til þess að fara krókaleiðir að kaupunum, fá auka lán hjá banka, foreldrum eða öðrum en ekki allir eru það heppnir að hafa bakland til þess. Ungt fólk á barneignaraldri getur því átt virkilega erfitt að kaupa sína fyrstu eign og þegar fólk er komið inn í vítahring leigumarkaðsins er erfitt að sleppa úr honum.
Bleikt velti fyrir sér hvaða fasteignir stæðu til boða í Reykjavík, þeim aðilum sem tekist hefur að safna sér í kringum fjórum til fimm milljónum. Blaðamaður fór yfir úrvalið á Fasteignavef Vísis en ekki var það löng yfirferð, enda ekki hægt að kaupa mikið dýrari eign en í kringum tuttugu milljónir fyrir þá upphæð:
20,9 fermetra ósammþykkt einstaklingsíbúð – Verð: 16.900.000
31,4 fermetrar ósammþykkt einstaklingsíbúð – Verð: 18.900.000
40,4 fermetra ósammþykkt íbúð í miðbænum – Verð: 19.900.000
40,9 fermetra ósammþykt einstaklingsíbúð – Verð 19.900.000
