Lacey Montgomery-Henderson segir að lögreglan hafi komið fram við hana eins og dýr eftir að upp komst að það vantaði tvær síður í vegabréfið hennar. Lacey segist hafa verið á leiðinni í 10 daga vinnuferð í Bangkok en henni var meinaður aðgangur að landinu.
Opinberir starfsmenn á flugvellinum höfðu þá hafnað vegabréfinu en Lacey hafði látið laga það eftir að eitthvað sullaðist á það fyrir nokkrum árum. Hún segir starfsmennina hafa endurtekið aftur og aftur að þeir gætu ekki samþykkt vegabréfið.
Lacey segir að eftir þetta hafi hún verið lokuð inni af lögreglunni en samkvæmt henni var „fangaklefinn yfirfullur af kakkalökkum“. Lacey tjáði sig um málið á Instagraminu sínu og sagðist finna til ábyrgðar.
„Mér finnst eins og að það sé á minni ábyrgð að enginn annar lendi í aðstæðum sem þessum. Ég myndi ekki óska mínum versta óvini að lenda í þessu, þeir koma fram við mann eins og dýr. Þetta er reynsla sem ég vil gleyma sem fyrst.“
Lacey var að lokum sleppt og fékk að fljúga aftur til Bretlands með fylgd frá starfsmönnum British Airways.
https://www.instagram.com/p/B2e7FGWgllu/
