Ebony McIntosh, 24 ára bresk kona, var lést nýlega á Sri Lanka, þar sem hún var á ferðalagi, eftir að eitrað var fyrir veggjalús á gistiheimilinu þar sem hún dvaldi. Hin þýska Nadie Raguse, 26 ára, lést einnig í tengslum við eitrunina en hún dvaldi á sama gistiheimili.

Sky News segir að McIntosh hafi verið flutt á sjúkrahús í Colombo eftir að hún veiktist og fór að kasta upp og átti erfitt með andardrátt. Hún lést þremur klukkustundum eftir komuna á sjúkrahúsið.

Talsmaður lögreglunnar sagði að eitrað hefði verið fyrir veggjalús í herbergi á gistiheimilinu áður en konurnar veiktust og beinist rannsókn lögreglunnar að því hvort skordýraeitrið hafi orðið þeim að bana.

Gistiheimilinu hefur verið lokað og verður lokað á meðan málið er til rannsóknar.