Veggskreytingarnar í litlu húsi í Pompei líkjast einna helst einhverju sem maður sér á heimilum efnafólks. Kynjaverur af ýmsum toga sem stunda kynlíf. Þetta eru mótífin á fjölda ævafornra málverka sem fundust í þessu litla húsi.

The Guardian skýrir frá þessu og segir að fornleifafræðingar hafi fundið myndirnar í litlu og skreyttu húsi sem er nefnt eftir Faidra, sem er prinsessa frá Krít í grísku goðafræðinni.

Ólíkt öðrum húsum í Pompei, sem grófust undir ösku árið 79 þegar gaus í Vesúvíusi, var þetta litla hús ekki byggt í kringum hið hefðbundna rómverska miðrými.

Húsið lætur ekki mikið yfir sér, stærðarlega séð, en inni í því eru veggskreytingar sem reikna má með að séu einna helst að finna í stórum húsum efnafólks.

Það var ekki óalgengt að svona djarfar myndir væru á almannafæri í Pompei því íbúunum fannst ekkert athugavert við myndefni af þessu tagi. Fleiri erótískar myndir hafa fundist þar, þar á meðal stytta sem sýnir ástarleiki karlmanna.