Maðurinn, sem leitað hefur verið að í Vík í Mýrdal, frá því á mánudag, fannst látinn í gærkvöldi. Þetta kemur fram í tilkynningu á Facebook-síðu Lögreglunnar á Suðurlandi.
Lýst var eftir Illes Benedek Incze, ungverskum ríkisborgara, í byrjun vikunnar. Hann fannst svo látinn seint í gærkvöldi við Reynisfjall. Kemur fram í tilkynningunni að rannsókn á hvarfi mannsins fari fram hjá Lögreglunni á Suðurlandi en ekki er talið að lát hans hafi borið að með saknæmum hætti.
