Netverjar víða um heim, meðal annars á Íslandi, hafa sagst hafa séð að Krispy Kreme kleinuhringir séu nú til sölu í stórversluninni Costco. Krispy Kreme kleinuhringir voru seldir hér um nokkurra ára skeið í sérstökum verslunum.
Netverjar á Reddit greina frá því að hafa séð hina gljáðu kleinuhringi selda í stórum pakningum, fimmtán saman í boxi. Kleinuhringina er svo hægt að hita upp í ofni.
Hafa slíkar pakningar af kleinuhringjum sést í verslunum Costco í Bandaríkjunum, Kanada og á Íslandi. En Costco er starfrækt á mörgum öðrum stöðum í heiminum.
Í frétt Men´Journal um málið kemur fram að Costco hafi gefið út neina tilkynningu um kleinuhringina og ekki svarað spurningum um málið.
Krisy Kreme verslanir voru starfræktar á Íslandi árin 2016 til 2019. Greint var frá því að 18 þúsund kleinuhringir hafi verið seldir fyrsta daginn í versluninni í Smáralind.
