Jón Gnarr, listamaður og fyrrverandi borgarstjóri býður sig fram til forseta Íslands. Greindi Jón frá þessu í myndbandi á samfélagsmiðlum sínum núna kl. 20.

Segist Jón taka áskorun um framboð til forseta með mikilli auðmýkt, þakklæti og mjúku hjarta, fullvitandi um þá ábyrgð sem fylgir að takast svona vandasamt embætti á hendur.

Jón hafði áður greint frá því að hann væri að íhuga framboð af alvöru: „Eins og flest ættu að vita þá hef ég verið að velta fyrir mér mögulegu forsetaframboði undanfarna mánuði. Þetta er búið að vera langt og strangt ferli; hvað skal gera, hvernig skal gera það og hvenær. Ég hef ekki viljað sitja óþarflega lengi á þessum upplýsingum en heldur ekki ana að neinu og auðvitað, fyrst og fremst, taka ákvörðun sem ég er og verð sáttur með.“

Jón er tilbúinn með heimasíðu fyrir framboðið: jongnarr.is