Ísgerðin Skúbb hefur sett á markað nýjan hátíðarís sem ber heitið Skúbblerone.

,,Jólaísinn okkar hefur verið mjög vinsæll síðustu ár og okkur langaði að prófa eitthvað nýtt og ákváðum við að koma með annan ís fyrir hátíðarnar. Hátíðarísinn fékk nafnið Skúbblerone sem okkur finnst mjög skemmtilegt nafn og við erum bjartsýn um að hann muni fylgja eftir vinsældum jólaíssins okkar enda mjög bragðgóður og hátíðlegur ís,“ segir Ása Hlín Gunnarsdóttir, forstöðumaður markaðsmála hjá Biobú og Skúbb.

Skúbblerone inniheldur eins og nafnið gefur til kynna Toblerone ásamt karamellusúkkulaði.

,,Jólaísarnir eru komnir í sölu í Hagkaup, Krónunni, Melabúðinni, Fjarðarkaup og verslunum Samkaupa sem eru Nettó, Iceland, Krambúðin og Kjörbúðin. Svo fást þeir í ísbúðinni okkar á Laugarásvegi 1 í Reykajvík. Fyrir jólin verða einnig til sölu ístertur en þær verða eingöngu í boði í verslun okkar þar sem þær eru handgerðar og framleiddar í takmörkuðu upplagi.“