Nú er einn einn fallinn í valinn og að þessu sinni var það varaformaður stjórnar stærsta ríkisbanka landsins, Sberbank. Hann fannst nýlega látinn. Hann var 42 ára. BNN News skýrir frá þessu og segir að dánarorsökin sé sögð vera hjartaáfall.
Það vill einmitt svo ótrúlega til að margir þeirra kaupsýslumanna og olígarka, sem hafa látist síðan innrásin hófst, eru sagðir hafa fengið hjartaáfall. Sumir hafa tekið eigið líf og morð hefur ekki verið útilokað í tengslum við dauða annarra.
CNN skýrði frá því í haust að minnst átta rússneskir kaupsýslumenn hafi tekið eigið líf eða látist af slysförum á sex mánaða tímabili. Margir þeirra tengdust ríkisorkufyrirtækinu Gazprom eða dótturfyrirtækjum þess. Aðrir höfðu starfað hjá Lukoil sem er stærsta olíu- og gasfyrirtæki landsins sem er í einkaeigu.
Ravil Maganov, forstjóri Lukoil, fannst látinn eftir að hafa „dottið“ út um glugga í Moskvu.
Vladislav Ayaye, fyrrum bankstjóri Gazprombank, fannst látinn í íbúð sinni í Moskvu ásamt eiginkonu sinni og dóttur. Lögreglan telur að um morð og sjálfsvíg hafi verið að ræða, að Vladislav hafi myrt fjölskyldu sína og síðan tekið eigið líf.
