„Á meðan fólk get­ur ekki nýtt sér ra­f­ræn skil­ríki þá verður það að eiga kost á þjón­ustu og gögn­um um sín mál sem af­hent eru og það á rétt á hjá hinu op­in­bera með öðrum hætti. Okk­ur finnst mjög varhuga­vert að af­nema Íslyk­il­inn að svo stöddu, meðan ekki er búið að finna lausn­ina á þess­um vanda.“

Þetta segir Stefán Vilbergsson, verkefnastjóri hjá Öryrkjabandalagi Íslands, í samtali við Morgunblaðið í dag.

Stefnt er að því að hætta notkun Íslykilsins um áramótin en fjölmargir hafa notað hann til auðkenningar í gegnum árin, einkum þeir sem ekki hafa rafræn skilríki.

Öryrkjabandalagið hefur áhyggjur af stöðunni en eins og Stefán bendir á í samtali við Morgunblaðið eru dæmi þess að einstaklingar fái ekki rafræn skilríki til afnota vegna fötlunar sinnar.

„Við höf­um áhyggj­ur af þessu og höf­um haft áhyggj­ur af af­drif­um Íslyk­ils­ins um langa hríð vegna þess að þetta er auðkenn­ing sem hef­ur hentað mörg­um vel,“ segir Stefán meðal annars. Bendir hann á að allt aðrar öryggiskröfur fylgi notkun rafrænna skilríkja og þau séu mun flóknari í framkvæmd en Íslykillinn – þau séu raunar útilokandi fyrir marga.

„Eins og hef­ur verið í umræðunni þá eru marg­ir sem ein­fald­lega fá ekki ra­f­ræn skil­ríki til af­nota vegna fötl­un­ar sinn­ar. Svo eru aðrir sem fá þau en ráða ekki við að nota þau af ýms­um ástæðum. Meðan svo er, og ekki er hægt að tryggja að fólk geti nýtt sér ra­f­ræn skil­ríki, þá verður að tryggja aðgang að þjón­ustu og rétt­ind­um með öðrum hætti,“ segir Stefán við Morgunblaðið.