Evrópska aukaverkananefndin, sem hefur það hlutverk að rannsaka aukaverkanir af völdum lyfja, hefur hafið forrannsókn á svokölluðum „eftir tíðahvarfa blæðingum“ hjá konum, sem eru búnar með tíðahvörf. Markmiðið er að rannsaka hvort um hugsanlega aukaverkun sé að ræða af völdum bóluefna frá Pfizer/BioNTeck og Moderna gegn kórónuveirunni sem veldur COVID-19.

Nefndin hefur sent framleiðendunum fjölda spurninga sem þeir eiga að svara fyrir 3. janúar 2024.

Nefndin ákvað að gera þetta í kjölfar þess að norska lýðheilsustofnunin birti rannsókn þar sem kemur fram að tilfellum óvæntra blæðinga, hjá konum sem hafa lokið við tíðahvörf eða eru í hormónameðferð, fjölgaði í kjölfar heimsfaraldurs kórónuveirunnar.

Aukaverkananefndin hefur áður komist að þeirri niðurstöðu að „miklar tíðablæðingar“ hjá konum, sem tíðahvörf eru ekki byrjuð hjá, geti verið hugsanleg aukaverkun af bóluefnum gegn kórónuveirunni.